الدنيا

موضوع: الدنيا الإثنين فبراير 08, 2010 9:42 pm

مماراق لي على لسان الشاعر ذيب العتيبي

اسوق عجلات المطيا مقفي
رضيت من بعد الطمع بالنكيفه

دنيا هواها مايوافق لشفي
وليا ادبرت سود الليالي مخيفه

ضنيت فيها الطيب وارخيت كفي
معطي السلام ولاعطتني رديفه

والحظ عاندني وعيا يوفي
بين مع الايام غدره وحيفه

يوم(ن) معي وايام ماهو بصفي
مثل الحليف اللي يبوق بحليفه

قنعت منها جعلها للمهفي
نفسي بعد ماصار منها معيفه

وين الرجال اللي ذراها يدفي
مثل الجبال العاليات المنيفه

اللي ليا ثقلت عليهم تخفي
وسنينهم لو هي عجافن مريفه

دمع المراجل عقبهم مايجفي
دمع الوليف اللي مفارق وليفه

تبكي رجال(ن) باللوازم تكفي
تجود لو شح البخيل ابرغيفه

قلبي على طاري نباهم يرفي
تسري به الذكرا وينزف نزيفه

مودتي,,
ابو نور
الحب الى الابد